到外傭宿舍與多人參加生日派對 姐姐不戴口罩玩天光 港媽:我都唔敢聚會唔明佢哋點諗

本港第三波武漢肺炎疫情肆虐,連日來有外傭確診及初步確診,涉及至少4間宿舍,令外傭宿舍恐成「播毒」高危地點。惟一名港媽在網上發文吐苦水,指其家中外傭姐姐周日放假時,竟然到外傭宿舍與多人參加生日派對,而且更不戴口罩兼「玩天光」,令她又嬲又擔心:「我哋都唔敢聚會,都唔明佢地點諗嘅!」

該名港媽於6日在 Facebook 群組「外傭僱主必看新聞訊息」發帖,指雖然家中來自菲律賓的外傭姐姐已經47歲,但仍然十分貪玩,在假日經常不理其設定的晚上10時前回到家的門禁,遲遲不歸家,

「今次仲過份20:30就同我講會遲返,我問佢點解,你要唔知出面好危險唧佢盡快返黎,佢答我:Ok mam dont worry im in the boarding house attend birthday!」

而姐姐更傳送現場照片給她,「我唔知係咪未食完啦,但我見啲人傾緊計同埋張台冇野㗎囉(啲人全部都冇帶口罩嫁,至少有7個)。」至晚上11時,姐姐仍未歸家,事主於是致電姐姐,對方表示「返緊嚟返緊嚟啦」,

「我都擔心到瞓唔著諗住等佢返嚟話佢,但都等到瞓咗,點知半夜4點去廁所先發現佢仲未返,我打畀佢又唔聽,我仲要返早,嬲到我瞓唔返!」

最終至翌日清晨6時30左右,姐姐才肯接電話,表示「搭緊的士返緊嚟」。事主對此十分憤怒,於是責罵姐姐,並給予警告信,「佢當然多多藉口……到最後我要求依個月唔好放假住,我畀埋人工你,最多比你1-2個鐘你傾電話聽歌落樓下一陣都唔理你(竟然識點答我:唔去樓下好危險,樓下就危險,你join birthday 就唔危險)」

此外,事主又曾提議姐姐放假放平日,但對方又不願意,「放平日寧願唔放,話平日冇得去宿舍同教會喎。」對此,她感到十分無奈:

「我哋都唔敢聚會,都唔明佢哋點諗嘅,我哋只有返工同屋企,都唔敢帶小朋友出街!」

此事引來網民熱議,不少人對事主表示同情,「咁真係好離譜,不能接受,通宵才返」、「畀我即炒啦,佢即在外過夜喎」、「僱主自己都邊度唔敢去,返工落街買個餸都提心吊膽,佢仲參加乜嘢birthday party呀!」、「佢真係好唔啱,但你都要小心處理,強迫佢唔放假,佢可以告你。」對此,事主回應表示:「所以同佢講唔好放假嘅時候,講得小心啲囉,話都係為咗佢着想而家出邊好危險,我話等遲吓疫情好啲嘅時候我幫你孖day啦。」

Share on facebook
Facebook
Share on twitter
Twitter
Share on linkedin
LinkedIn

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受香港藥房格價網站內之私隱政策及免責聲明。