【夠鐘食藥】個女得幾歲係咪你生呀

有日一個爸爸帶住囡囡嚟登記,爸爸非常有禮貌同我講:「小姐,唔該你同我登記,我個女睇,佢未睇過」

我:「好呀,有冇帶身分證明文件呀?」

佢:「冇呀,後補得唔得呀?」

我:「冇問題呀,咁麻煩你寫佢中英文名出生年月日俾我登記啊」

佢同囡囡行咗去櫈度坐低慢慢寫,寫寫吓爸爸問:「阿女呀,你個名點寫呀?」

囡囡拎走爸爸手上嘅紙同筆:「我自己識寫呀爸爸」

坐喺對面嘅太太唔知係咪把口生蟻:「爸爸?做得你爺爺啦喎?你有冇嗌錯呀阿妹?」

囡囡抬頭望住太太,爸爸:「唔好理人啦,寫完交俾姑娘呀」

太太見冇人理佢,繼續講:「阿生,你有冇七十歲呀?個女得幾歲係咪你生呀?」

囡囡拳頭握實紙筆,望住太太講:「我係爸爸嘅女呀!」

我望見爸爸一臉尷尬,就同太太講:「人哋啲嘢關你咩事啫,唔好嘈住醫生睇症啦,靜啲啦太太」

太太仍然喋喋不休:「咁係呀嘛,七十幾歲仲有個幾歲女,想害死個女咩?你有冇命睇到你個女出身呀?慌死你唔係娶埋啲大陸女人作嘅孽咩?」

囡囡:「你唔好再話我爸爸呀!」,開始大喊..

醫生聽到出面有小朋友喊到咁犀利,行咗出嚟問我咩事..

之後醫生同太太講:「請你離開」

太太:「點解呀?」

醫生:「你唔需要睇醫生㗎 啦」

太太:「我嚟拎張假紙咋喎」

醫生:「姑娘,麻煩你拎走呢位太太嘅排版,我哋診所唔歡迎佢」

咁鍾意講呀啦,.返公司慢慢講啦~

Share on facebook
Facebook
Share on twitter
Twitter
Share on linkedin
LinkedIn

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受香港藥房格價網站內之私隱政策及免責聲明。