按此馬上進行口罩格價！
打開飯盒發現內有昆蟲，著實會令人崩潰。日前有 YouTuber 分享朋友的經歷，指其母親準備的愛心飯盒，經常裝滿「冰凍螞蟻」，然而當朋友向母親反映問題後，母親卻指「螞蟻無毒」，只需將食物以開水沖一沖便可，更謂：「媽咪唔會害你」。該對母子的對話亦令一眾網民發笑，引起熱議。
香港 YouTuber Zain 於28日在社交平台 Instagram 上分享一則發生在友人身上的趣事，他指一日朋友在午飯時段欲將飯盒「叮」熱，結果一打開卻驚見飯盒內滿布螞蟻。從其上傳的照片中可見，一碗西蘭花裡面有非常多螞蟻，狀甚噁心。
由於此情況並非第一次發生，於是事主立即傳送照片向母親反映問題，結果卻得到對方的「盞鬼」回覆。
事主與母親的對話如下：
事主：又有蟻，點食？
母親：為甚麼？不解。
事主：我都想知，但它們（螞蟻）全死了，問不到。
母親：放菜入杯水洗一下；餸有冇蟻？很怕你冇得食。
事主：點洗？菜一洗就爛；你是不是專登加蟻入去煮？
母親：不會爛，放入水後輕輕（沖）；我養很多（螞蟻）供你呀。
事主：咁錫我？
事主母親遂錄音說服兒子應將西蘭花沖一沖後繼續進食飯盒，並指出即使誤食螞蟻亦不要緊，「苦口婆心」地安慰兒子放心食用：
「你攞杯水，用筷子好似食餸咁，拮住一棵西蘭花落水入面揈一揈，嗰啲螞蟻就跌咗出嚟。螞蟻無毒㗎，係好細，睇到就討厭㗎啫。你放心，媽咪唔會害你嘅！」
網民：媽媽食蟻多過你食米
帖文上傳後，引起不少網民熱議，大讚母子二人的對話十分有趣，更揶揄事主是否交太少家用、「你係咪畀唔夠家用」、「媽咪真係好有愛，諗到用咁窩心嘅方法畀個仔補身」、「媽媽食蟻多過你食米，無害㗎」。更有人笑指事主已成為新一代螞蟻KOL，令人不禁追看有沒有新菜式。對此，事主亦自嘲「崇尚天然食材 – 螞蟻」、「趁未冬天，梗係當造嘅時候食多啲（螞蟻）」。
農夫傳授正確洗菜法
歐羅有機農場負責人黃如榮接受訪問時曾提醒，西蘭花「窿窿罅罅」較多，是眾多蔬菜中最易有蟲，因此他建議清洗時把葉摘開後，須將西蘭花切細，並用清水沖洗浸泡長時間，「過多兩轉水」，確保清洗蔬菜每一處才進食。
西蘭花清洗方法
1. 要將西蘭花切得夠細，若太大則難以發現小蟲及黏在花上的蟲蛹
2. 用水浸着已切細的西蘭花，並用手輕力撥
3. 浸泡約20分鐘，可令小蟲浮上水面
4. 雖然用清水已經足夠，但亦可加鹽到水中，令小蟲更快浮現
