伯伯失業半年拒領津貼靠政府 後巷執發泡膠紙皮照顧體弱妻子

武漢肺炎疫情下,不少人的生計均受到影響。一名原任職裝修工的伯伯失業半年,卻堅決不靠政府、不領取津貼,希望靠自己生活,寧在後巷撿拾發泡膠和紙皮幫補家計,同時守護在附近做洗碗工、曾因太勞累而暈倒的妻子,愛妻心切令人動容。

新福事工協會「關懷貧窮學校」部門的轄下組織「拾平台」,本周一(15日)晚上以「守護」為題在其 Facebook 發文,分享一名拾荒伯伯的故事。帖文指年邁的陳先生(化名),日前身處悶熱的後巷中,把好幾個發泡膠堆疊在一起,「三扒兩撥就整咗20、30棟擺得整齊」,隨後又「密密手」整理紙皮。協會職員上前與伯伯攀談起來,

職員:「喺度做咗幾耐呀陳生?」

伯伯:「都有半年啦,冇嘢做一段時間呀,之前做裝修冇工開,咁咪轉吓睇吓有咩做囉。」

職員:「係喎呢半年都有好多人冇嘢做喎可。」

伯伯:「係呀,都冇人搵你裝修整嘢,咁冇嘢做啲拍檔咪走囉,『自己食自己』。」

職員聞言詢問伯伯有否申請津貼「頂住先」,對方卻回應:

「唓,好人好姐做乜要靠政府啫,我有手有腳唔好靠自己?我呢排搵唔到嘢做啫,唔代表第時冇。」

帖文續指,其實伯伯深知以自己的年齡,難以再覓得另一份工作,他見執發泡膠「有價有市」,數量又多,遂把握機會「搶咗嚟做」。至於為何會選在該後巷拾荒,伯伯表示是因為妻子在該處做洗碗工,惟對方身體欠佳,曾因過勞而暈倒,他便想到在後巷一邊執發泡膠,一路守護妻子,「萬一有咩事都可以即刻救佢」。

「我得番老婆一個可以照顧咋,咁梗係要睇住佢,我冇用冇人請,難得我老婆打份工撐住頭家,老實講,我真係唔想佢咁辛苦架。」

圖片來源:「拾平台」Facebook

文末形容,伯伯儘管實際上「冇咩幫到頭家」,但充分展現出他對妻子的愛護和守望,「上咗年紀嘅男人縱使唔係好識向太太點表達傾慕情意,亦會願意義不容辭以實際嘅行動–『守護』,去表達對另一半嘅真愛。」

不少網民大呼感動,「希望上天守護陳生兩公婆,亦希望陳生可以搵到份好工」、「Respect(尊敬)」、「陳生應該申請津貼,為香港作出貢獻,有付出是應得」。

Share on facebook
Facebook
Share on twitter
Twitter
Share on linkedin
LinkedIn

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受香港藥房格價網站內之私隱政策及免責聲明。