按此馬上進行口罩格價！
本港第三波武漢肺炎疫情嚴峻，公立醫院不勝負荷，一眾醫護為了救人疲於奔命。但一名普通科門診醫生日前在網上吐苦水，指有一名女病人因喉嚨痛而來求醫，但對方不滿輪候時間太長，竟然反指罵他穿戴防護裝備，「咁怕死唔好做醫生啦」。對此，他大感委屈，坦言：「好憤怒，好委屈，好灰，好洩氣……」
Facebook專頁「HA Secrets」於上周五（7月31日）刊登了一名普通科門診醫生的投稿。該名醫生指出，鑑於武漢肺炎疫情肆虐，日常繁重的工作已令他很趕急、很大壓力；遇着善良的公公婆婆，會跟他說：「醫生，多謝你照顧我哋，記住多啲休息，保住自己個身體。」
惟日前他遇到一名喉嚨痛的女病人，一入醫生房便大罵他發洩，
「一入來就大大聲聲話：『又話叫人少啲出街，又話叫人唔好聚集，睇下喉嚨痛都要等成個鐘……』跟住佢望住我話：『又口罩又面罩，仲要將我張櫈攞到九丈遠，你哋醫生啲命就特別矜貴嘅，我條命呢就唔值錢嘅！』」
醫生聽到後只好「當聽唔到」，繼續詢問她的旅遊史、職業史、接觸史及群聚史等，並檢查有否頸淋巴結；確認她沒有發燒或其他嚴重病徵後，便開藥並著她接受深喉唾液檢測。未料，對方竟即時發難道：
「有冇搞錯啊，喉嚨痛喉嚨都唔睇吓，你有冇醫德㗎 ？咁怕死唔好做醫生啦！係咪我有新冠肺炎你就由得我死唔醫我呀？」
Dirty Team醫生：日日畀病人「問候」
「家下我真係唔知點樣可以做好我呢份工，每日打電話問症時都被patient（病人）『問候』。」另一名在「Dirty Team」工作的醫生亦投稿指出，近日不少確診患者因無法出院等原因，而對醫護人員作出人身攻擊，
「由同事的profession （專業）到人品都齊，仲話我哋『收份糧就係預咗』。」
對此，他感到十分不忿，譴責部分確診者應反思自己為何會被感染，
「人身攻擊我哋醫護係只反映出你對你自己的失望，而唔係我哋的過失。我哋有叫過你減少外出，洗手，戴好個mask（口罩），但你哋都仲走去shopping（行街），行山，食好嘢，唱K，搞party（派對）……咁我哋又有無人身攻擊過你？」
