不少人到超市買生果時，都會遇見不少被搣下「剩蕉」堆放一旁的情況，有將軍澳街坊批評搣蕉行為缺德，又指曾目擊有自私顧客，專在每梳香蕉上搣走最靚一條。不過也有街坊認為搣蕉未必等於自私，因為超市本來就容易搣蕉，客人亦可因應食量買所需份量。 一位女生日前在 Facebook 群組「將軍澳主場」分享指，一間超市的生果部貨架上，大量香蕉被人逐條搣下，形容難以理解該些顧客的心態，「咁多人去搣蕉，咁多一兩枝蕉，都無人買喇」，她形容該類顧客無公德心，呼籲大家盡量避免。 「超市搣蕉」行為引起熱烈討論，多名網民均指曾遇到顧客在每梳香蕉上，只搣走最靚一條，另一人亦遇過自私顧客， 「每梳都摵中間最靚嘅一兩條」 網民：買太多食唔晒 不過另有網民指，其實超市一向容許顧客因應所需數量搣蕉，由於香蕉以重量計價，當顧客食量少，只需一、兩條，職員亦會建議顧客自行搣蕉， 「有時真係梳梳都成5,6隻時我都會搣，屋企得我一個食，每次最多買3隻。」 有人則指自己食量少，故經常購買被搣下的香蕉，指其變熟較慢，有時反而更新鮮。…