【夠鐘食藥】慳啲啦你

有日一位小姐嚟到診所。

佢放低身分證同一張咭紙:「登記呀未睇過」

我望望張咭紙係某主題樂園嘅賓客援助服務卡:「小姐,呢張卡俾返你呀,登記唔駛用到」

佢碌大對眼問:「唔用得?」

我:「登記淨係需要身分證㗎咋」

佢揮動張賓客卡:「我有呢張嘢喎?」

我:「呢張同睇醫生冇關係㗎」

佢:「XXX都覺得我需要援助先俾呢張卡我嘅啫,咁係咪應該FAIR啲,你見到呢張卡都應該要好似XXX咁?」

我:「我幫你登記先啦都係」

佢成個上身趴晒上登記處,阻止我登記:「你可唔可以好似XXX咁俾我先?」

我:「唔好意思呀小姐,我哋真係冇呢啲嘢,而且我都唔知你呢張卡係有咩用,甚至連咩人先有我都唔知。」

佢:「係特別嘅人」

特別痴線嘅人嗎?

我:「我哋診所冇分呢啲,淨係分需要睇醫生同唔需要睇醫生嘅人…」

佢:「SEE!你咪已經分咗囉,係特別嘅人囉,有呢張卡去邊都特別快啲

ER…睇醫生嘅登記。唔需要睇醫生嘅擰轉身直行返出去…咁算分咗?你會唔會拎埋呢張卡去地獄行個圈呀?

我:「你係咪要睇醫生呀?」

佢:「係呀」

我:「咁我同你登記啦好冇呀?」

佢:「好呀,我而家係屬於特別嘅人啦嘛?」

我:「ER..我同你登記呀,好快㗎咋,下個到㗎啦」

佢再一次揮動佢張賓客卡:「OK,果然真係快啲」…診所都冇其他病人,仲唔嗱嗱聲睇完你就送你走咩~你就算冇嗰張卡都係下個到㗎啦。

Share on facebook
Facebook
Share on twitter
Twitter
Share on linkedin
LinkedIn