按此馬上進行口罩格價！
近排香港嘅疫情又再變得緊張，就算大熱天時出街，大家依然要繼續戴口罩，不過如此高溫卻分分鐘會焗到中暑，究竟有冇折衷辦法呢？
位於日本三重縣志摩市嘅Flat Bit Studio，剛剛推出新世代口罩「立體透明Etiquette Mask GH05T」，可將戴口罩嘅悶焗及難受大大減低！簡單來說，呢款口罩就係喺你嘅鼻及口前方放置了一塊透明塑膠隔板，藉以阻隔飛沫，由於採用立體設計，基本上口罩完全不貼面，自然唔會有抖唔到氣嘅悶焗感覺，就連用飲管喝飲料亦不用除罩，確係夠爽！重量只有4g，相當輕巧，而且可以用一般清潔劑清洗重複使用，夠晒環保；加上透明設計讓人可看清楚表情，對於從事服務業嘅朋友可謂相當合適。每個售1,000日圓（耳繩需另外購買），即日起可於Flat Bit Studio官網入貨！
