譚仔雲南米線,如果話係最多香港人食的米線舖都唔過份,便宜的價錢,個人化的配料選擇,今日就黎盤點下譚仔頭5位最多人叫的餸啦!
- 炸醬
第一位 – 炸醬!100%的免治豬肉製成,為你的米線增添口感,每個人都有唔同食法,有D人鍾意豪爽咁倒晒落碗米線,有D人鍾意慢慢一匙一匙配一噡炸醬咁食,唔知你又鍾意點食呢?
2. 魚腐
(小編表示頭先先食完譚仔的魚腐)軟綿綿的魚腐,帶著濃郁的魚香味,如如海綿一樣吸收湯的精華,當你咬開的時候,湯同魚香味包圍你整個口腔,正!
3. 魚蛋
第三位絕對唔驚喜,因為香港人好鍾意食魚蛋粉,彈牙魚蛋,加埋米線就實夠飽肚!
4. 墨魚春卷
香港人真係好鍾意食魚!第四位有墨魚春卷,香脆可口,外脆內軟~
5. 豬大腸
最後第五位有豬大腸!精心炆煮將滷香鎖入豬大腸,口感軟滑~